ВАРШАВА І НАВАКОЛЛІ

Наваколлі Варшавы ўяўляюць вялікую цікавасць для турыстаў не толькі ў экскурсійных мэтах, але і для лячэбнага і аздараўленчага адпачынку.
Усяго ў 20 км ад Варшавы размешчаны элегантны курорт Канстанцін, які славіцца сваімі лячэбнымі водамі і цэнтрам рэабілітацыі апорна-рухальнага апарату. У аздараўленчым парку ёсць уласная тэрмальная мінеральная крыніца, саляныя вежы і інгаляторый.

Профілі лячэння:
– захворванні апорна-рухальнага апарату;
– неўралагічныя захворванні;
– кардыялогія;
– захворванні дыхальнай сістэмы.

Курорт уяўляе сабой комплекс віл, якія тонуць у зеляніне, што робіць яго яшчэ больш прывабным.
Таксама прафесійную лячэбную базу прапануе комплекс COLUMNA MEDICA, размешчаны ў 2 гадзінах язды ад Варшавы ў мястэчку Лясак. Комплекс уяўляе сабой чатырохзоркавы гатэль і Цэнтр рэабілітацыі.

Спецыялізуецца на лячэнні:
– апорна-рухальнага апарату;
– неўралагічных захворванняў;
– захворванняў кардыясістэмы;
– рэабілітацыі жанчын пасля хірургічнага лячэння мастэктаміі.

Не менш папулярны і СПА-турызм у гарадах і мясцовасцях, прылеглых да Варшавы.
Яхранка, Сахочын – гэта далёка не ўвесь пералік гарадоў і мясцовасцяў, у якіх размясціліся вытанчаныя СПА-гатэлі з сучасным абсталяваннем, якія прапануюць аўтарскія СПА-працэдуры і комплексы на базе элітных касметычных ліній. Некаторыя гатэлі вырабляюць свае ўласныя касметычныя лініі, якія заслугоўваюць самых высокіх ацэнак. Персанал СПА-цэнтраў – вопытныя высокакваліфікаваныя спецыялісты, якія выкарыстоўваюць у сваіх методыках еўрапейскі вопыт і ўсходнія традыцыі.

СПА-гатэлі валодаюць шырокай інфраструктурай, што дазваляе гасцям сумясціць аздараўленчы адпачынак з актыўным.
Непасрэдная блізкасць да сталіцы Польшчы – Варшаву – дазваляе вельмі хутка дабрацца да курортаў, што таксама істотна для турыстаў, якія прыбываюць сюды з усяго свету.